औरंगाबाद । वार्ताहर

मुंबई उच्च न्यायालयाचे माजी न्यायमूर्ती व माजी आमदार बी एन देशमुख यांचे आज शुक्रवारी पहाटे औरंगाबाद येथे निधन झाले. ते 85 वर्षांचे होते. त्यांच्या पार्थिवावर औरंगाबाद येथे आज सकाळी 10 वाजता अंत्यसंस्कार करण्यात येणार आहे. 

शेतकरी कामगार पक्षाचे नेते, माजी राज्यसभा सदस्य नरसिंहराव देशमुख यांचे ते पुत्र होत. मूळचे उस्मानाबाद जिल्ह्यातील असलेले व औरंगाबादमध्ये स्थायिक झालेले बी एन देशमुख उच्च न्यायालयात वकिली करत असताना राज्य विधान परिषदेवर त्यांची निवड झाली होती.  नंतर त्यांची मुंबई उच्च न्यायालयाचे न्यायमूर्ती म्हणून नियुक्ती झाली. कष्टकरी कामगार तसेच सामाजिक प्रश्नावर त्यांनी दिलेले अनेक निर्णय ऐतिहासिक ठरले आहेत.