बिअरबार फोडून 60 हजार रुपयांची विदेशी दारू केली गायब

पाचोड । वार्ताहर

आडूळ ता.पैठण येथिल बिअरबारचे दुकान फोडून चोरांनी 60 हजार रुपयांची विदेशी दारू वर डल्ला मारल्याची घटना मंगळवारी दि.26 रोजी मध्यरात्री घडली. या प्रकरणी अज्ञात चोरट्यांविरुद्ध पाचोड  पोलिस ठाण्यात गुन्हा दाखल करण्यात आला आहे.

आडूळ येथील धुळे-सोलापूर राष्ट्रीय महामार्गावरील जैस्वाल यांचे न्यू पंजाब बिअरबारचे दुकान असुन या दुकानाचे शटर मध्यरात्री फोडून चोरांनी विदेशी व बिअरचे बॉक्स चोरून नेले. या दारूची किंमत 50 ते 60 हजार रुपये आहे. चोरट्यांनी दुकानात व दुकानाबाहेर लावण्यात आलेली सीसीटीव्ही व कॅमेर्‍याची नासधूस करून दुकानातील डीव्हीआर चोरला आहे. या घटनेची माहिती आडूळ चे पोलीस पाटील भाऊसाहेब पिवळ यांनी पोलीस ठाण्यात कळविली, घटनेची माहिती तात्काळ उपनिरीक्षक युवराज शिंदे, कल्याण राठोड यांनी घटनास्थळी भेट देऊन पंचनामा केला, याबाबत पाचोड  पोलिस ठाण्यात गुन्हा नोंद झाला असून  पुढील तपास पोलिस निरीक्षक अतुल येरमे यांच्या मार्गदर्शनाखाली उपनिरीक्षक युवराज शिंदे, सहाय्यक फौजदार कल्याण राठोड, हे तपास करत आहेत.

चौकृट-

कोरोना मुळे सर्वत्र संचारबंदी लागू करण्यात आल्याने सर्व दुकाने आणि आस्थापना बंद आहेत. या काळात चोर्‍या होऊ शकतात. त्यामुळे पोलिसांनी देशी-विदेशी दारू दुकानदारांना सावधगिरीचा इशारा दिला होता. सुरक्षा रक्षक ठेवणे, दुकानातील डीव्हीआर सुरक्षित ठेवण्याचे कळविले होते. पण, दुकानदारांनी त्याकडे दुर्लक्ष केल्याचे यानिमित्ताने दिसून आले. अतुल येरमे :- पोलीस निरीक्षक पाचोड,