औरंगाबाद । वार्ताहर

औरंगाबाद येथील अग्रसेन विद्या मंदिर शाळेचे प्राचार्य श्री. सुभाष धवन यांच्या प्रयत्नाने गुजरात, नवसारी येथील सुप्रसिद्ध आध्यात्मिक गुरू व ’समर्पण’ ध्यानयोगाचे प्रणेते व प्रचारक परमपूज्य श्री. शिवकृपानंद स्वामीजी यांच्या ध्यानयोगावरील कार्यक्रमाचे जीवंत प्रसारण दि. 25 मे 2020 रोजी युट्यूब वर करण्यात आले.

2020 हे वर्ष श्री. शिवकृपानंद स्वामी फाऊंडेशन द्वारा ’बालवर्ष’ म्हणून साजरे केले जाणार आहे. ह्याच निमित्ताने मुलांच्या व्यक्तिमत्व विकासाबरोबरच त्यांचा नैतिक, आध्यात्मिक, सामाजिक, वैचारिक विकास कसा करता येईल त्याचप्रमाणे कोरोनाच्या ह्या प्रतिकूल काळात मुलांनी कसे वागावे व बदलत्या परिस्थितीतही स्वतःची उन्नती कशी साधावी ह्या सर्वच बाबी लक्षात घेऊन परमपूज्य श्री. शिवकृपानंद स्वामीजींनी अतिशय रसाळ व मधुरवाणीतून विद्यार्थी व पालकांशी संवाद साधला. परमपूज्य स्वामीजींनी जो मौलिक वेळ व सल्ला दिला त्याबद्दल त्यांचे शतशः आभार.