औरंगाबाद । वार्ताहर

औरंगाबाद जिल्ह्यातील देवगाव रंगारी येथील जवान ॠषीकेश अशोक बोचरे युनिट 119 असॉल्ट इंजिनियर रेजिमेंट यांना चीनच्या सीमेवर कर्तव्यावर असताना 12 मे 2020 रोजी सकाळी 11:50 वाजता वीरमरण आले . त्यांचे पार्थिव विशेष विमानाने आज सायंकाळी पाच वाजता चिकलठाणा विमानतळ येथुन त्यांच्या  मूळगावी देवगाव रंगारी येथे नेण्यात आले. त्यापूर्वी त्यांना पुष्पचक्र अर्पण करून मानवंदना देण्यात आली.

यावेळी खा.इम्तियाज जलिल , आमदार  अंबादास दानवे, जिल्हाधिकारी उदय चौधरी , पोलिस अधीक्षक (ग्रामीण) मोक्षदा पाटील , ब्रिगेडियर उपेंदर सिंग आनंद यांच्यासह संबंधित अधिकारी यांनी पुष्पचक्र अर्पण करून अभिवादन केले.तसेच सैनिक पथकाद्वारे  शहीद ॠषीकेश बोचरे यांना मानवंदना देण्यात आली. यावेळी जिल्हा सैनिक कल्याण अधिकारी मेजर सय्यदा फिरासत,उपविभागीय अधिकारी ज्ञानोबा बाणापूरे , उपजिल्हाधिकारी संगीता चव्हाण यांच्यासह संबंधित अधिकारी,सैनिक उपस्थित होते.