शिवना । वार्ताहर

सिल्लोड तालुक्यातील शिवना येथे बुधवार दि.02 सप्टें. रोजी माळी समाजातर्फे दहावी बारावीच्या गुणवंत विद्यार्थ्यांचा सत्कार करण्यात आला. आदर्श विद्यार्थी सत्कार सोहळा दरवर्षीप्रमाणे औरंगाबाद जिल्ह्यातील सर्व गुणवंतांचा सत्कार औरंगाबाद येथे करण्यात येतो परंतु ह्यावर्षी कोरोना संसर्गाचा प्रादुर्भावामुळे गावातील मंडळांनी सत्कार सोहळा स्थानिक पातळीवर करून घेण्याचे औरंगाबाद कमिटीने ठरवल्यामुळे शिवना येथे गुणवंतांचा सत्कार सोहळा सामाजिक अंतर ठेवून करण्यात आला. यात आकाश सपकाळ, ऋतुजा भागवत, दिपाली दहीतकर, ज्योती दहितकर, रूपाली दहीतकर, सपना लांडगे, शितल आहेर या विद्यार्थ्यांचा मान्यवरांच्या हस्ते प्रमाणपत्र आणि ट्रॉफी देऊन सत्कार करण्यात आला.

 यावेळी पुढील वर्षी दहावी बारावी मध्ये प्रथम, द्वितीय, तृतीय येणार्‍या विद्यार्थ्यांना पांडुरंग भागवत, नारायण पायघोन, सखाराम धनवई प्रत्येकी एक हजार रुपये रोख रक्कम बक्षीस देण्याचे जाहीर केले. यावेळी पांडुरंग भागवत, कडूबा धनवई, नारायण पायघोण, कडुबा पायघोण, विश्वनाथ सपकाळ,अंकुश सपकाळ, उत्तम भागवत,योगेश सपकाळ, बाबुराव भागवत, अतुल धनवई, कुसुमबाई भागवत, अलकाबाई भागवत, मंगलाबाई धनवाई, शंकर सपकाळ,गणेश पायघोन, राहुल सपकाळ, अरुण मोकासारे आदींची उपस्थिती होती.