फर्दापुर । वार्ताहर

इंदिरा शिक्षण प्रसारक मंडळ संचलित माणिकराव पालोदकर विद्यालय फर्दापुर या माध्यमिक शाळेचा मार्च 2020 च्या शालांत प्रमाणपत्र परीक्षेचा निकाल 90.47% लागला असून एकूण 147 विद्यार्थी परीक्षेस प्रविष्ट झालेले होते त्यापैकी 133 विद्यार्थी उत्तीर्ण झाले असून विशेष प्राविण्यासह 21, प्रथम श्रेणीत 52, द्वितीय श्रेणीत 49 तर तृतीय श्रेणीत 11 विद्यार्थी उत्तीर्ण झाले आहे. 

विद्यालयातून प्रथम क्रमांक कु.आचल किरण राजपूत 90.60%, द्वितीय क्रमांक कुमारी संध्या रामराव पाणघाटे, 87.25% व रोशन सुकलाल कापरे 87.25% तर तृतीय क्रमांक ऋषिकेश अनिल शिंदे 87% हे विद्यार्थी आलेत. सर्व गुणवंत विद्यार्थी व उत्तीर्ण विद्यार्थ्यांचे महसूल व ग्रामविकास राज्यमंत्री नामदार अब्दुल सत्तार, संस्थेचे अध्यक्ष अब्दुल समीर   प्रशासकीय अधिकारी रईस खान, शेख जावेद ,मुख्याध्यापक पि.के. शिंदे, एस.के. तायडे, एन.टी. जाधव, के.आर.पाटील तसेच सर्व शिक्षक व शिक्षकेतर कर्मचारी यांनी अभिनंदन केले व पुढील वाटचालीसाठी शुभेच्छा दिल्या.