बदनापूर । वार्ताहर

तालुक्यासाठी जीवनदाहिनी असलेले सोमठाणा येथील अप्पर दुधना प्रकल्पात  जुलै अखेरपर्यंत जवळपास 6 फूट पाणी आल्यामुळे यंदा हा प्रकल्प भरण्याची आशा निर्माण झाली असून यंदा मोठया प्रतिक्षेनंतर पाटाला पाणी सुटण्याची आशा परिसरातील शेतकर्‍यांना असली धरणक्षेत्र परिसर व पाटांची  काटेरी झाडे व मोडतोड झाल्यामुळे पाटबंधारे विभागानेही आतापासून पाटांची दुरुस्ती केली तर अनेक कोरडवाहू शेतकर्‍यांना या पाण्याचा उपयोग होऊ शकतो.

बदनापूर तालुक्यातील सोमठाणा येथे दुधना नदीवर अप्पर दुधना प्रकल्प आहे. या प्रकल्पावरच बदनापूर तालुक्यातील शेती अवलंबून असते. हा प्रकल्प 31 जानेवारी 1965 ला पूर्णत्वास गेला. या प्रकल्पामुळे बदनापूर तालुक्यातील सिंचनाचा मोठा प्रश्न निकाली निघाला होता. मात्र त्यांनतर कमी होत गेलेल्या पर्जन्यमानामुळे हा प्रकल्प अपदावानाचे भरत होता. हा प्रकल्प पूर्णपणे भरल्यास बदनापूर तालुक्यातील मोठया प्रमाणात पिण्याचा पाण्याबरोबरच सिंचनाचा प्रश्न सुटतो. जर हा प्रकल्प पूर्ण क्षमतेने भरल्यास या कालव्याद्वारे जवळपास 15 किलोमीटर असलेल्या अंबडगावपर्यंत पाणी जात असल्यामुळे मोठया प्रमाणात शेतीच्या सिंचनाचाही प्रश्न निकाली निघतो. मागील कित्येक वर्षापासून हा प्रकल्प भरलेलाच नाही. मागील पाच ते सात वर्षापासून या प्रकल्पात अत्यल्प पाणी साठा रहात आलेला आहे. यंदा मात्र तालुक्यात मृग नक्षत्रापासून पावसाने बरसात सुरू केलली आहे. तालुक्यातील काही मंडळात तर अतिवृष्टी होऊन कित्येक शेतकर्‍यांच्या जमिनी खरडून निघाल्यामुळे शेतकर्‍यांपुढे दुबार पेरणीचे संकट उभे असतानाच बदनापूरसाठी महत्त्वाचे असलेल्या निम्न दुधना प्रकल्पातही मोठया प्रमाणात पाण्याची आवक सुरू झालेली आहे. मागील दहा ते बारा वर्षानंतर पहिल्यांदा या प्रकल्पात जुलै अखेरपर्यंत जवळपास 6 फूट पाणी साठा साचला आहे. या प्रकल्पाची एकूण साठवण क्षमता 15 फूट असून अशीच आवक राहिल्यास हा प्रकल्प पूर्ण क्षमतेने भरणार आहे. सोमठाणा धरणात पाणी साठा नसल्यामुळे मागील एक ते दोन वर्षात विविध सामाजिक संघटना व महसूल प्रशासनाने जवळपास 5 हजार ब्रास गाळ या धरणातून काढल्यामुळे यंदा पाणी साठयातही वाढच होणार आहे. हा प्रकल्प पूर्ण क्षमतेने भरल्यास  रब्बी हंगामातील गहू व ज्वारीसाठी या धरणातून पाटाद्वारे पाणी सोडण्यात येते त्यामुळे कोरडवाहू शेतकर्‍यांना रब्बीतील गहू, हरभरा व ज्वारी पिके घेता येतात तसेच पाटाने पाणी आल्यामुळे विहिरींच्या पाणी पातळीत वाढ होऊन सिंचनाचा प्रश्न निकाली निघतो. असे असले तरी पाटबंधारे विभागाच्या दुर्लक्षित भूमिकेमुळे व मागील पाच ते सात वर्षांपासून प्रकल्पात पाणीच नसल्यामुळे या पाटांची (कालवा) अतिशय या पाणलोट क्षेत्रात व पाटांमध्ये  मोठमोठी काटेरी झाडे उगवली असून काही ठिकाणी पाटांचे नुकसानही झालेले दिसून येत आहे. पाटबंधारे विभागाने तात्काळ या पाटाची दुरुस्ती केली तर येणार्‍या रब्बी हंगामासाठी कोरडवाहू शेतकर्‍यांच्या शेतीला सिंचनाची सोय होणार असल्यामुळे या विभागाने ही दुरुस्ती करून घेण्याची मागणी शेतकरी करत आहेत. दरम्यान बुधवारपर्यंत (दि. 29 जुलै)या प्रकल्पाबरोबरच बदनापूर तालुकयातील  वाल्हाच्या तलावात 40 टक्के, केळीगव्हाण येथील प्रकल्पात 80 टक्के तर राजेवाडी येथील प्रकल्पात 85 टक्के पाणी साठा असल्यामुळे या वर्षी तरी पिण्याच्या पाण्याचा व सिंचनाचा प्रश्न निकाली निघण्यास मदत होणार आहे.