सोयगाव । वार्ताहर

राजर्षी शाहू महाराज विचारमंच कोल्हापूरतर्फे दिला जाणारा युवा साहित्यरत्न पुरस्कार गोंदेगाव येथील भूमिपुत्र चि.आकाश दिपक महालपूरे यांना जाहीर करण्यात आला आहे.ट्रस्टचे अध्यक्ष मा.डी.के.सरदेशमुख यांनी या पुरस्काराची अधीकृतपणे घोषणा केली.दरम्यान कोरोनाची परिस्थीती आवाक्यात आल्यानंतर या पुरस्काराचे वितरण करण्यात येणार आहे. राजर्षी शाहू महाराज विचारमंच,कोल्हापूर तर्फे दरवर्षी समाजप्रबोधन, साहित्य, कला, क्रिडा, संस्कृती, विज्ञान, संगीत आदी क्षेत्रात उल्लेखनीय योगदान देणार्‍या व्यक्तीस वा संस्थेस हा पुरस्कार प्रदान करण्यात येतो.

यंदा सन 2020 साठी देण्यात येणारा हा पुरस्कार..!

आकाश महालपूरे यांच्या प्रतिभावंत लेखणीने समाजात होणारी जागृती आणि कवितांमधून होणारी वैचारिक मांडणी लक्षात घेता त्यांना हा पुरस्कार जाहीर करण्यात आला आहे.समाजात करत असलेले साहित्यातील अनमोल कार्यामुळे ते प्रसिद्ध साहित्यीक आहे.नुकतचं त्यांना आदर्श युवक महाराष्ट्र युथ आयडॉल साहित्यरत्न  पुरस्काराने गौरविण्यात आले आहे.