औरंगाबाद । वार्ताहर

औरंगाबाद शहरातील पडेगाव येथे अवैधरित्या विदेशी दारू घेऊन जाणार्‍या एका व्यक्तीस पोलिसांनी विदेशी दारुसह अटक केली आहे. सतिष शिवाजी सपकाळे (रा. पहाडसिंगपुरा, सैनिक काँलनी औरंगाबाद ) असे अटक करण्यात आलेल्या आरोपीचे नाव आहे. 

मिळालेल्या माहितीनुसार, आज दुपारच्या सुमारास एक व्यक्ती मोटरसायकलवर विदेशी दारु घेऊन जात असल्याची माहिती पोलिसांना मिळाली. त्यानुसार पोलिसांनी पडेगाव येथे त्या व्यक्तीला अडवून तपासणी केली असता त्याच्याकडे विदेशी दारूचे दोन बॉक्स, त्यात एकुण 96 बाटल्या आढळून आल्या.  दरम्यान, पोलिसांनी मोटारसायकलसह आरोपीस अटक केली असून त्याच्याकडून  एकूण  64 हजार 600 रुपयांचा मुद्देमाल जप्त करण्यात आला आहे.  सदरची कारवाई, पोलीस निरीक्षक पि.ए.घायवट, सहाय्यक दुय्यम निरीक्षक गणेश नागवे व  कोन्स्टेबल अनिल जायभाये आदींनी केली आहे.