बोरगांव बाजार । वार्ताहर

अजिंठा ता.सिल्लोड पोलीस स्टेशनला कार्यरत असलेल्या पती-पत्नीचा कोरोना योद्धा म्हणून गौरव करण्यात आला. अजिंठा ता.सिल्लोड पोलीस ठाण्यात कार्यरत असलेले गोपनीय शाखेचे पोलीस नाईक अनंत जोशी व पोलीस नाईक तेजस्विनी अनंत जोशी हे दाम्पंत्य औरंगाबाद ग्रामीण पोलीस दलात कर्तव्य बजावत असुन ते अजिंठा पोलीस ठाण्यात कार्यरत आहेत. लॉकडाऊनच्या कार्यकाळात आपल्या कर्तव्याची जाणीव ठेवुन आपले कर्तव्य निष्ठेने निभावल्याबद्दल जोशी दांम्पत्याचा कोरोना योद्धा म्हणून गौरव करण्यात आला आहे.

सु-लक्ष्मी बहुउद्देशीय सेवाभावी संस्था व माणुसकी रुग्णसेवा समूह शासकीय रुग्णालय घाटी, औरंगाबाद यांच्या संयुक्त विद्यमाने सिल्लोडचे उपविभागीय पोलीस अधिकारी सुदर्शन मुंढे व समाजसेवक सुमित पंडीत यांचे हस्ते कोरोना योद्धा सन्मानपत्र देऊन पोलीस नाईक अनंत जोशी व पोलीस नाईक तेजस्विनी अनंत जोशी यांचा गौरव करण्यात आला. यावेळी सिल्लोडचे उपविभागीय अधिकारी ब्रिजेश पाटील, तहसिलदार रामेश्वर गोरे, सिल्लोड ग्रामीण पोलीस ठाण्याचे पोलीस निरीक्षक किरण बिडवे,नायब तहसिलदार संजय सोनवणे,अजिंठा पोलीस ठाण्याचे सहाय्यक पोलिस निरीक्षक किरण आहेर, मुक्ताराम गव्हाणे, अमोल ढाकरे आदींची उपस्थिती होती. त्यांच्या या कार्यामुळे सर्व क्षेत्रातील मंडळीकडून त्यांचे अभिनंदन व कौतुक केले जात आहे.