बोरगांव बाजार । वार्ताहर

 बोरगांव बाजार ता.सिल्लोड येथील शेतकरी कुटूबांतील ज्ञानेश्वर माणिकराव काकडे यांनी तहसिलदारपदी यश संपादन केले. नुकताच महाराष्ट्र लोकसेवा आयोगाच्या परिक्षेच्या लागलेल्या निकालात बोरगांव बाजार ता.सिल्लोड येथील शेतकरी कुटूबांतील ज्ञानेश्वर माणिकराव काकडे यांची तहसिलदार पदी निवड झाली. आपल्या आई व वडीलाचे स्वप्न पुर्ण केले.

वडीलांनी अत्यंत हलाखीच्या परिस्थिती निसर्गावर अवलंबुन असलेल्या शेतीवर दिवस-राञ काम करुन व कधी पाऊल तर कधी दुष्काळ या कठीण परिस्थितीत मुलाचे शिक्षण पुर्ण केले व आपल्या मुलाने मोठे होऊन काही तरी चांगली नौकरी करावी, अशा आशेवर त्यांनी ज्ञानेश्वर काकडे यांचे प्राथमिक शिक्षण जिल्हा परिषद, माध्यमिक जवाहर विद्यालय बोरगाव बाजार व महाविद्यालयीन शिक्षण  सरस्वती भुवन भराडी येथे घेतले ,व आई-वडीलाची  काबाडकष्ठ व धडपड बधुन मोठ्या जिद्दीने अभ्यास करुन हे पद मिळविले,त्यांच्या या यशामुळे सर्व स्तरातुन मिञ-नातेवाईकांनी अभिनंदन केले आहे