गंगापूर । वार्ताहर

तालुक्यातील रांजणगाव येथे एका 40 वर्षीय व्यक्तीने झाडाला दोरीच्या साहाय्याने गळफास घेऊन आत्महत्या केल्याची घटना आज दुपारच्या सुमारास उघडकीस आली. 

सतीश नामदेव खंडाळकर (वय 40 रा. रांजणगाव ) असे गळफास घेऊन आत्महत्या केलेल्या व्यक्तीचे नाव आहे. रांजणगाव येथील साठे चौकाजवळच्या झाडाला गळफास घेऊन सतीश खंडाळकर यांनी आत्महत्या केली. त्यांना तात्काळ घाटी रुग्णालयात हलविण्यात आले. मात्र डॉक्टरांनी तपासून मृत घोषित केले. त्यांनी आत्महत्या का केली हे अद्याप स्पष्ट झाले नाही.