कंकराळा येथील दोघे गंभीर जखमी

सोयगाव । वार्ताहर

सोयगाव-बनोटी रस्त्यावर वादळी वार्‍याच्या तडाख्यात आडवे पडलेले झाड न दिसल्याने समोर समोर येणार्‍या दोन मोटार सायकलींचा जबर अपघात रविवारी सायंकाळी मेणगाव फाट्यावर घडला आहे. या अपघातात मोटारसायकलस्वर दोघे गंभीर जाक्म्ही झाले असून त्यातील एकाला जळगावला रवाना करण्यात आले आहे.

सोयगाव-बनोटी रस्त्यावर झाड आडवे पडले आहे.सार्वजनिक विभागाकडून अद्यापही हे झाड रस्त्यावरून हटविण्यात आलेले नसून या झाडाच्या आडव्या फांद्या न दिसल्याने धोंडू लव्हाळे हे सोयगाव कडून मोटारसायकल  वरून कंकराळा गावाकडे जात असतांना व कंकराळा गावाकडून सोयगावकडे येत असणारे शुभम उबाळे मोटारसायकल या दोघांचा समोरासमोर अपघात झाला असून दोघेही कंकराळा ता.सोयगाव येथील रहिवासी आहे.या अपघातात धोंडू लव्हाळे यांच्या मेंदूला जबर मार बसला असून त्यांना तातडीने जळगावच्या सामान्य रुग्णालयात उपचारासाठी दाखल करण्यात आले आहे.या दोघांवर सोयगावच्या ग्रामीण रुग्णालयात प्राथमिक उपचार करण्यात आले आहे. अपघातस्थळी सुनील पाटील,शिवसेना तालुका अध्यक्ष दिलीप मंचे ,जीवन उबाळे, शाम पाटील, आदींनी मदतकार्य करून तातडीने जखमींना सोयगाव ग्रामीण रुग्णालयात उपचारासाठी आणले होते.