जि.प.सदस्य गोपीचंद जाधव यांनी दिल्या शुभेच्छा

फर्दापूर । वार्ताहर

नुकतीच उपजिल्हाधिकारी पदी निवड होवून आपल्या कर्तुत्वाने सोयगाव तालूक्याची मान उंचावणार्‍या कु.सायली अशोक सोळुंके यांचा फर्दापूर जिल्हापरिषद सर्कल चे जि.प सदस्य गोपीचंद जाधव यांच्या हस्ते सत्कार करण्यात आला यावेळी राजमल पवार,श्रावण राठोड,डी.डी पाटील आदींची प्रमुख उपस्थिती होती नुकत्याच महाराष्ट्र लोकसेवा आयोगाने घेतलेल्या परीक्षेत वरठाण (ता.सोयगाव) येथील कु.सायली अशोक सोळूंके यांनी सुयश मिळवत उत्तुंग भरारी घेतली आहे.

कु.सायली साळूंके यांची उपजिल्हाधिकारी पदी निवड झाल्याचे नुकतेच महाराष्ट्र लोकसेवा आयोगाने जाहीर केले आहे सोयगाव तालुक्यातील दुर्गम भागात वसलेल्या वरठाण सारख्या छोट्या गावात राहूनही कु.सायली साळूंके यांनी थेट उपजिल्हाधिकारी पदाला गवसणी घालत आपल्या कर्तुत्वाने सोयगाव तालूक्याची मान उंचावल्याने तालूका भरातून त्यांच्यावर कौतुकाचा वर्षाव होत आहे दरम्यान याच पार्श्वभूमीवर फर्दापूर सर्कलचे जि.प सदस्य गोपीचंद जाधव यांच्या हस्ते नवनिर्वाचित उपजिल्हाधिकारी कु.सायली अशोक सोळूंके यांचा सत्कार करण्यात आला यावेळी जि.प.सदस्य गोपीचंद जाधव यांनी कु.सायली साळूंके यांच्या पुढील वाटचालीस शुभेच्छा दिल्या आहे.