पैठण । वार्ताहर

देशभरात कोरोनाचा वाढता प्रादुर्भाव व मनसे अध्यक्ष राज ठाकरे यांच्या आदेशाचे तंतोतंत पालन करत पैठणमध्ये अत्यंत साध्या पध्दतीने वृक्षरोपन करत ठाकरे यांचा वाढदिवस साजरा करण्यात आला. तालुका व शहर मनसेच्या वतीने आज पैठण शहरात मनसे अध्यक्ष राज ठाकरे यांचा वाढदिवस साजरा करण्यात आला, राज ठाकरे यांनी कोरोनाचा वाढता प्रादुर्भाव पाहता वाढदिवस अत्यंत साध्या पध्दतीने व सामाजीक उपक्रमाने साजरा करण्याचे आदेश दिले होते.

त्या आदेशाचे व सोशल डिस्टसिंगचा तंतोतंत पालन करत तालुकाध्यक्ष गोरख मोरे व शहरअध्यक्ष नितिन शेळके यांच्या नेतृत्वाखाली संत ज्ञानेश्वर उद्यान येथे वृक्षरोपनाचा कार्यक्रम घेण्यात आला, यावेळी मनसे कामगार सेनेचे अमोल चिक्से, विद्यार्थी सेनेचे उमेश गोजरे, तालुका संघटक वैभवराज लघाने, शहरउपाध्यक्ष बापु जगधने, कृष्णा मोरे, योगेश टाक, राजु वैष्णव, अनिल गुढे, संभाजी डांगे, राहुल लाड आदींची उपस्थीत होते.