मंठा । वार्ताहर

गडचिरोली या नक्षलवादी भागात कौतुकास्पद केलेल्या कामगिरीची दखल घेऊन पोलीस उपनिरिक्षक नितिन गट्टुवार यांना केंद्र शासनाच्यावतिने आंतरिक सुरक्षा सेवा पदक जाहीर करण्यात आल्यामुळे पोलीस निरिक्षक विलास निकम यांच्यावतिने ता.12 शुक्रवार रोजी पोलीस ठाण्यात सत्कार करण्यात आला. याप्रसंगी पो.नि.विलास निकम यांनी बोलतांना सांगितले की, केंद्र शासनाच्यावतिने पोलिस अधिकारी व कर्मचारी यांना नक्षलवादी भागात खडतर सेवा पार पाडल्याबद्दल गृह विभागाच्यावतीने आंतरिक सुरक्षा सेवा पदक दिली जाते. हे पदक नक्षलग्रस्त म्हणून ओळखल्या जाणार्‍या अतिदुर्गम भागात कायदा व सुव्यवस्था राखण्यासाठी भरघोस योगदान देणार्‍या पोलीस अधिकार्‍यांना दिले जाते.यावेळी मुख्याधिकारी सतिश कुलकर्णी, ङ्गौजदार विजय जाधव, पो.हे.कॉ.शंकर राजाळे, मनजितसिंग सेना, रविंद्र बिरकायलु, श्री.भांडवले, श्री.खैरे, श्री.बोराडे, श्री.मोरे यांच्यासह पोलीस व नगरपंचायत कर्मचारी उपस्थित होते.