सुरंगळी । वार्ताहर 

भोकरदन येथे  कोरोणा या विषाणूने  सर्व जगात थैमान घातले असून सर्वत्र भयावह परिस्थिती निर्माण झाली आहे.लोकांना घरात बसण्याचे प्रशासनाकडून वारंवार आवाहन करण्यात येत आहे. अशाही परिस्थितीत डॉक्टर व पोलीस देवदूताची भूमिका पार पाडत असून स्वतः चा जीव धोक्यात घालून जनतेसाठी अहोरात्र परिश्रम घेत आहेत.या परिस्थितीचा विचार करून मेट्सान ङ्गार्मा चे संचालक संजय जाधव यांनी या योद्याना मास्क व सॅनीटायझरचे वाटप करून आपले सामाजिक उत्तरदयित्व निभावले आहे.

भोकरदन पोलीस स्टेशनचे पोलीस निरीक्षक दशरथ चौधरी यांच्या उपस्थितीत सर्व पोलीस बांधवांना यावेळी संजय जाधव यांनी मास्क वाटप केले.तसेच कार्यालयाच्या आवारात बरेचजण दिवसभर येत जात असतात हे लक्षात घेऊन त्यांच्यासाठी सैनीटायझर देखील उपलब्ध करून दिले आहे.संजय जाधव यांच्या या उपक्रमाचे तालुक्यातील विविध संस्था व मित्रमंडळ यांनी कौतुक केले आहे.