भोकरदन । वार्ताहर

तालुक्यातील सुभानपुर येथील शेतकरी भाऊसाहेब कडुबा कोल्हे (वय 33) यांनी दि.16 रोजी विविध बॅकेच्या कर्जाला कंटाळून शेती मालास योग्य भाव मिळत नाही, तथा नापीकाला कंटाळून सायंकाळी 5 वाजे दरम्यान कीटक नाशक औषध प्राशन केले होते, त्यांना भोकरदन येथील ग्रामीण रूग्णालयात दाखविण्यात आले परंतु प्राथमिक उपचार करून त्यांना जालना येथे पाठविण्यात आले.

जालना येथील खाजगी दवाखान्यात उपचारा दरम्यान रविवारी रात्री 8.30 च्या दरम्यान निधन झाल्यानंतर सोमवारी जालना येथे पोलीस पंचनामा करून जालना येथील शासकीय रूग्णालयात शवविच्छेदन करून नातेवाईकांच्या ताब्यात देण्यात आले . दरम्यान सदरील शेतकरी भाऊसाहेब कढुबा कोल्हे वर सोमवारी दुपारी एक वाजता शोकाकुल वातावरणात सुभानपुर येथे अंत्यसंस्कार करण्यात आले. त्याच्या पश्‍चात एक मुलगा एक मुलगी, पत्नी, भाऊ पराशर शिक्षक पतसंस्था चे संचालक संजय कोल्हे याचे लहान बंधु होते.