अंबड पोलिसांची धडकेबाज कारवाई

जालना । वार्ताहर

अंबड तालुक्यातील मुडेगाव येथील जहीर उस्मान पटेल यांच्या घरात गुटखा साठवून ठेवल्याची माहिती पोलिसांना मिळाली असता,या माहिती वरून  पोलिसांनी जहीर पटेल याच्या घराची दि.15 रोजी  पहाटे तीन वाजता धाड टाकून झाडाझडती घेतली असता यावेळी 16 गोण्या गोवा गुटखा आणि 16 गोण्या सुगंधी सुपारी, असा छापील किमतीनुसार एक लाख 28 हजार रुपयांचा अवैध व प्रतिबंधित गुटखा साठा आढळून आला आहे. आरोपी जहीर पटेल यास पोलिसांनी ताब्यात घेतले असून, त्याने हा माल ङ्गारूक नामक व्यक्तीकडून आणल्याची कबुली दिली आहे.अन्न व औषधी प्रशासन विभागामार्ङ्गत याप्रकरणी गुन्हा नोंदविण्याची कारवाई सुरू आहे. पोलीस निरीक्षक अनिरुद्ध नांदेडकर, पोलीस उपनिरीक्षक शैलेश शेजुळ, पोलीस कर्मचारी विष्णू चव्हाण पाटील, संदीप पाटील, महेंद्र गायके, शुभम तळेकर यांनी वरिष्ठांच्या मार्गदर्शनाखाली ही कामगिरी केली आहे.