जालना । वार्ताहर

जालना शहरात विदेशी दारू घेऊन येणार पिकअप टेम्पो पोलिसांनी पकडल्याची घटना काल दि 5 रोजी मध्यरात्री च्या दरम्यान  पकडली आहे.

या बाबत थोडक्यात माहिती अशी की मंठा चौफुली भागातील पुष्कनगरात विदेशी दारूचा साठा करून ती  एका पिकअप टेम्पो क्र. एमएच- 21, बीएच- 0684 जात असल्याची माहिती पोलीसांना मिळाली असता पोलीस अधीक्षक एस. चैतन्य यांनी या माहितीच्या आधारे त्यांनी तातडीने त्यांच्या कार्यालयातील वाचक शाखेच्या अधिकार्‍यांना कारवाईच्या सूचना दिल्या. पोलिसांचे पथक पाहताच पिकअप चालक मंठा चौफुली परिसरातील पुष्कनगर भागात घुसला. त्याठिकाणी टेम्पो सोडून चालक पसार झाला. यावेळी पोलिसांनी टेम्पोची झडती घेतली असता, त्यामध्ये 6 लाख 92 हजार 800 रुपयांचे मॅकडोल नंबर-1 दारूचे 124 बॉक्स, 1 लाख 53 हजार 600 रुपयांचे ब्लेंडर्स प्राईड दारूचे 10 बॉक्स,  17 हजार 500 रुपयाचे  100 पायपर्स ब्लेंडर्स स्कॉच व्हिस्कीच्या 5  बॉटल्स, 5 हजार रुपयाची व्हाईट लेबल्स  ब्लेंडर्स स्कॉच व्हिस्कीच्या 2 बॉटल्स, 11 हजार रुपयांच्या चिवास रिगल (12)  ब्लेंडर्स स्कॉच व्हिस्कीच्या 5  बॉटल्स, असा एकूण 10 लाख 79 हजार रुपयांचा विदेशी दारूचा साठा आणि 4 लाख रुपये किमतीचे पिकअप टेम्पो असा 14 लाख 79 हजाराचा ऐवज जप्त केला आहे.याप्रकरणी तालुका जालना पोलीस ठाण्यात वाचक शाखेतील सहायक फौजदार मोईन फॅक्रोद्दीन  खान यांच्या फिर्यादीवरून टेम्पोच्या अज्ञात चालकाविरुद्ध गुन्हा दाखल करण्यात आला आहे.हा दारू साठा जालना शहरातील एका राजकीय उद्योजक असलेल्या व्यक्तीच्या संबंधित वाईन शॉपचा असल्याची चर्चा आहे.