40 रक्तदात्यांनी केले रक्तदान, महिलांचाही सहभाग

कुंभार पिंपळगाव । वार्ताहर

घनसावंगी तालुक्यातील कुंभार पिंपळगाव येथे ता.6 बुधवार रोजी येथील प्राथमिक आरोग्य केंद्रात कुंभार पिंपळगाव सह परिसरातील समस्त युवक मंडळ व जनकल्याण रक्तपेढी जालना यांच्या संयुक्त विद्यमाने रक्तदान शिबिराचे आयोजन केले होते. रक्तदान शिबिरांमध्ये महिलांसह  एकूण 70  सत्तर रक्तदात्यांनी सहभाग नोंदवला होता. त्या मध्ये रक्तदान करण्यास प्रकृतीनुसार बी.पी,शुगर, एच.बी  आदि तपासनीस करून 40 रक्तदात्यानी रक्तदान केले.

यामध्ये महिलांचाही मोठा सहभाग होता. कुंभार पिंपळगाव सह पंचक्रोशीतील समस्त युवक मंडळाचे नेहमीचे सामाजिक कामात हिरीरीने भाग घेत काम तडीस नेण्याचे आयोजन केले जाते .देशभरात नुकत्याच कोराना विषाणूच्या आजाराचा प्रादुर्भाव वाढत असल्यामुळे  रक्ताची गरज भासत आहे. त्यानुसार एक रक्तदाता तीन व्यक्तीचे प्राण वाचू शकतात कुंभार पिंपळगाव येथील समस्त युवक मंडळीने देशभरात उद्भवलेल्या परिस्थितीचे गांभीर्य लक्षात घेता कुंभार पिंपळगाव  येथील व परिसरातील समस्त युवक मित्रमंडळ व जनकल्याण रक्तपेढी जालना यांच्या संयुक्त विद्यमाने रक्तदान शिबिर घेण्यात आले शिबिरास चांगला प्रतिसाद मिळाला.