मंठा । वार्ताहर

कोरोना साथ रोगाचा प्रादुर्भाव दिवसेंदिवस वाढत असून या काळात गोरगरीब , निराधार , दिव्यांग कुटुंबातील नागरिकांना अजिंक्य भाऊसाहेब गोरे यांच्या अभिष्टचिंतन निमित्ताने मित्र मंडळाच्यावतिने अनावश्यक खर्च टाळुन जिवानावश्यक वस्तुचे वितरण करण्यात आले.अभिष्टचिंतन निमित्ताने विविध सामाजिक उपक्रम राबविण्यात आले.सामाजिक बांधिलकीतून वेळोवेळी निराधार व गरजूंना मदत करण्याचा मानस अजिंक्य गोरे यांनी बोलुन दाखवला. गावातील गोरगरीब ,गरजू  , निराधार व दिव्यांग अशा 90 कुटुंबाला गहु , तांदुळ, दाळ, मिठ , मसाला , साखर , चहापत्ती अशा जिवनावश्यक वस्तुची किट वाटप करण्यात आली. आपल्या हातून सामाजिक उपक्रम घडत असल्याचे समाधान व्यक्त करून  यापुढेही सामाजिक उपक्रम राबविणार असल्याचे गोरे यांनी सांगितले. याप्रसंगी मित्रमंडाळातील सहकारी उपस्थित होते.