मंठा । वार्ताहर

काँग्रेसचे युवानेते खा.राहुल गांधी यांच्या वाढदिवसानिमित्त मंठा येथे आ.राजेश राठोड यांच्या हस्ते शहरातील नाभिक बांधवांना अन्नधान्य व जीवनावश्यक वस्तूंच्या 100 किट वाटप करण्यात आल्या. त्याचप्रमाणे शेतकर्‍यांचा कोविड योद्धा म्हणून सन्मानपत्र देऊन गौरव करण्यात आला. 

यानिमित्ताने गरजूंना सेनीटायझर व मास्कचे वाटप करण्यात आले. दिवसभर विविध सामाजिक उपक्रम घेऊन आगळ्या-वेगळ्या पद्धतीने खा. राहुल गांधी यांचा वाढदिवस साजरा करण्यात आला. लॉकडाऊनच्या काळात अन्नदाता शेतकर्‍यांनी भाजीपाला उपलब्ध करून गरजूंची मोठी मदत केली म्हणून त्यांचा सन्मानपत्र देऊन गौरव करण्यात आला.याप्रसंगी तालुकाध्यक्ष निळकंठ वायाळ,  उपनगराध्यक्ष सिराजखा पठाण,  मोईन कुरेशी, कय्युम कुरेशी, शबाब कुरेशी, सुरेश वाव्हळे, प्रकाश घुले, राजेश खंदारे,  विजय राठोड, सचिन राठोड,  अशोक चव्हाण, कृष्णा पवार,  सुभाष चव्हाण आदी उपस्थित होते.