जालना । वार्ताहर

डॉ.आंबेडकर चळवळीचे जेष्ठ कार्यकर्ते थोर साहित्यीक, कवी आणि एक आदर्श पत्रकार दिवंगत किशोरदादा घोरपडे यांना जालना शहर काँग्रेस कमिटीच्या वतीने रविवार रोजी भावपुर्ण श्रद्धांजली अर्पीत करण्यात आली. दिवंगत किशोर घोरपडे यांनी आपल्या समाज जीवनामध्ये नेहमी नवख्या पत्रकार व तसेच सामाजिक कार्यकर्त्यांना मार्गदर्शन करून फुले-शाहु-आंबेडकर यांच्या विचारांची शिदोरी देऊन सामाजिक समता निर्माण करण्याचा माणस ठेवला होता. त्यांनी  तळागळातील सामाजिक कार्यकर्त्यांना बंधूभावाची शिकवण देऊन एक नवी दिशा दिली होती. त्यांच्या निधनामुळे मोठी पोकळी निर्माण झाली असल्याचे शहर काँग्रेस कमिटीचे अध्यक्ष शेख महेमूद यांनी यावेळी त्यांना भावपुर्ण श्रद्धांजली अर्पीत करतांना सांगीतले. 

दिवंगत किशोर घोरपडे यांनी साहित्य क्षेत्राबरोबरच पत्रकारीता, सामाजिक कार्यात मोठे योगदान दिल्यामुळे आज या क्षेत्रातील कार्यकर्त्यांना त्यांच्या शिकवणीचा मोठा लाभ झालेला आहे. असे शेख महेमूद यांनी याप्रसंगी सांगीतले. जालना शहर काँग्रेस कमिटीच्या बैठकीत रविवार रोजी दिवंगत किशोर घोरपडे यांना भावपुर्ण श्रद्धांजली अर्पीत करून त्यांनी केलेल्या विविध सामाजिक कार्याचा उल्लेख अनेक कार्यकर्त्यांनी बोलून दखविला. या बैठकीत बदर चाऊस, डॉ.विशाल धानुरे, शिवराज जाधव, मोहन इंगळे, विरेंद्र रत्नपारखे, गणेश भालेराव, सय्यद जावेद अली, तनविर लोहार, गणेश वाघमारे, गुरूमितसिंग सेना, हरिष आनंद, माणिक चव्हाण आदी कार्यकर्ते उपस्थित होते.