शहरातील अबूबकर कॉलनीतील महिला पॉझिटिव्ह
परतुर प्रतिनिधी - गेल्या तीन महिन्याच्या कोरोना वादळात अभेद्य असलेला परतुर शहराचा गड अखेर ढासळला.शहरातील अबूबकर कॉलनीतील महिला कोरोना पॉझिटिव्ह आढळल्याने शहरात खळबळ उडाली आहे.
    शहराच्या गाव भागात असलेल्या अबूबकर कॉलनीतील 38 वर्षीय महिला चार पाच दिवसांनी ताप येत असल्याच्या कारणाने औरंगाबाद च्या खाजगी रुग्णालयात उपचार घेण्यासाठी 20 तारखेला गेली होती,खाजगी दवाखान्यातुन या महिलेला सरकारी रुग्णालयात पाठवण्यात आले असता त्या महिलेचा स्वब अहवाल आज दि 21 पॉझिटिव्ह आला.या माहितीने परतुर चे आरोग्य खाते जे आरामशीर होते ते खडबडून जागे झाले, शहरातील सदरील महिलेच्या कुटुंबातील 8 जणांना ताबडतोब संस्थात्मक क्वारान्टीन करण्यात आल्याची माहिती ग्रामीण रुग्णालयाचे अधीक्षक डॉ .ज्ञानदेव नवल यांनी दिली.