बीड । वार्ताहर

गेवराई तालुक्यातील आहेर वडगाव शिवारातील गट नंबर 55 मध्ये महसूल विभागाने जप्त करुन ठेवलेला 120 ब्रास वाळू साठा अज्ञाताने चोरून नेला. ही घटना 3 ते 4 जुलैच्या दरम्यान घडली.

चोरी झालेल्या वाळूची किंमत 72 हजार रुपये इतकी आहे. याप्रकरणी पाडळसिंगी सज्जाचे तलाठी अविनाश लांडे यांच्या फिर्यादीवरून अज्ञाताविरुद्ध गेवराई पोलीस ठाण्यात चोरीचा गुन्हा दाखल करण्यात आला आहे.