मुंबई : महाराष्ट्र आणि मुंबईची चिंता वाढवणारी माहिती आरोग्य मंत्री राजेश टोपे यांनी दिली आहे. राज्यातील ५ हजार जणांना कॉरेंटाईन करण्यात आलं आहे. हे सर्व जण करोनाबाधित रुग्णांच्या जवळून संपर्कात आले होते. मुंबई महापालिकेच्या वॉर रुमला भेट दिल्यानंतर राजेश टोपे यांनी ही माहिती दिली. राज्यात मुंबईत सर्वाधिक म्हणजे १६२ करोनाबाधित झाले आहेत. सुदैवाने या संपर्कात आलेल्या सर्वांना कॉरेंटाईन करण्यात आलं आहे. त्यामुळे ते बाहेर फिरुन संसर्ग वाढण्याचा धोका टाळता येणार आहे.
तुम्ही सैनिकच! तुमच्या कौतुकासाठी शब्द अपुरे: राजेश टोपे

करोना विषाणू विरुद्धच्या लढाईत आघाडीवर राहून लढणारे राज्यातील डॉक्टर, नर्स आणि इतर आरोग्य कर्मचाऱ्यांच्या कामाचं आरोग्यमंत्री राजेश टोपे यांनी तोंडभरून कौतुक केलं आहे. तसं पत्रच त्यांनी वैद्यकीय कर्मचाऱ्यांना उद्देशून लिहिलं आहे.
तुम्ही सैनिकच! तुमच्या कौतुकासाठी शब्द अपुरे: राजेश टोपे
मुंबई: 'एखाद्या युद्धात आघाडीवरचा सैनिक जसा जिवाची बाजी लावून लढतो, त्याचप्रमाणे आपले डॉक्टर, नर्स व इतर आरोग्य कर्मचारी गेल्या काही दिवसांपासून अथक लढत आहेत. अवघा देश आपल्या कुटुंबीयांसोबत घरात असताना हे कर्मचारी कुटुंबापासून, मित्रमंडळींपासून दूर राहून सेवाभाव जपत आहेत. त्यांचे कौतुक करण्यासाठी शब्द अपुरे आहेत,' अशा शब्दांत राज्याचे आरोग्यमंत्री राजेश टोपे यांनी वैद्यकीय कर्मचाऱ्यांचा गौरव केला आहे. तसंच, त्यांच्या अतुलनीय शौर्याबद्दल त्यांचे आभार मानले आहेत.

राज्यातील सर्व वैद्यकीय कर्मचाऱ्यांना उद्देशून टोपे यांनी एक पत्र लिहिलं आहे. त्यात टोपे यांनी या कर्मचाऱ्यांना सैनिकाची उपमा दिली आहे. राज्यात 'करोना'चा शिरकाव झाल्यानंतर सर्वात आधी तुम्ही त्याला सामोरे गेलात. या युद्धाचं नेतृत्व केलंत. लढाईत झोकून देऊन काम करत आहात. तुमचं हे साहस अभिनंदनीय आहे. तुमच्या या कार्याला मी सलाम करतो. तुमच्या तत्पर सेवेमुळे आणि अविरत मेहनतीमुळे आतापर्यंत राज्यातील ३९ कोरोना रुग्ण बरे होऊन घरी गेले आहेत. तुम्ही दाखवत असलेल्या धीरामुळे रुग्णांना मानसिक बळ मिळतेच आहे, पण आम्हालाही काम करण्याचं पाठबळ व प्रोत्साहन मिळत आहे, असंही टोपे यांनी पत्रात म्हटलं आहे.
-------------------------------------------------------------------------------
पिंपरी चिंचवड करोनामुक्तीच्या मार्गावर; आणखी एका रुग्णाची चाचणी निगेटिव्ह

पिंपरी चिंचवडमध्ये गेल्या ११ दिवसात एकही नवा रुग्ण आढळलेला नाही. रुग्णालयात उपचार घेत असलेल्या १२ पैकी १० जण ठणठणीत बरे झाले आहेत. तर उर्वरित दोनपैकी एकाचा अहवाल निगेटिव्ह आला आहे. दुसरा अहवालही निगेटिव्ह आल्यानंतर या रुग्णाला डिस्चार्ज दिला जाईल.

पिंपरी चिंचवड करोनामुक्तीच्या मार्गावर; आणखी एका रुग्णाची चाचणी निगेटिव्ह
पिंपरी चिंचवड : गेल्या ११ दिवसात एकही करोनाबाधित न सापडल्यानंतर पिंपरी चिंचवडसाठी आणखी एक दिलासादायक बातमी आहे. शहरातील १२ पैकी १० रुग्ण अगोदरच करोनामुक्त झाले असून उर्वरित दोनपैकी एका रुग्णाचाही अहवाल निगेटिव्ह आला आहे. या रुग्णाची पहिली चाचणी झाली, ज्याचा अहवाल निगेटिव्ह होता. आता दुसऱ्या चाचणीचा अहवाल आल्यानंतर या रुग्णाला घरी सोडलं जाईल. राज्यातील करोनाबाधितांना दोन चाचण्या निगेटिव्ह आल्यानंतर डिस्चार्ज दिला जात आहे.

'मरकज'हून आलेले पुण्यातील ९४ जण क्वारंटाइन

यापूर्वी अमेरिकेतून आलेल्या पिंपरी चिंचवडमधील करोनाबाधिताला डिस्चार्ज देण्यात आला होता. पिंपरी चिंचवडमध्ये करोनाचे पहिले तीन रुग्ण १२ मार्च रोजी आढळले होते. हे रुग्ण २७ मार्चलाच करोनामुक्त झाले. तर शनिवारी आणखी सहा रुग्णांना डिस्चार्ज देण्यात आला. गेल्या पाच दिवसात १० जणांना डिस्चार्ज मिळाला आहे. उर्वरित दोन रुग्णांवर उपचार सुरू असून यापैकी एकाची पहिली चाचणी निगेटिव्ह आली आहे.

दिल्लीहून आलेल्या नागरिकांनी चिंता वाढवली

पिंपरी चिंचवडने लॉकडाऊनचं काटेकोरपणे पालन करत करोनावर यशस्वी मात केली आहे. पण दिल्लीतील धार्मिक कार्यक्रमातून परतलेल्या ३२ जणांनी प्रशासनाची चिंता वाढवली आहे. यापैकी १४ जणांना महापालिकेने रुग्णालयात दाखल केलं आहे, तर अजून १८ जणांचा शोध सुरू आहे. हे नागरिक १५ दिवसांपूर्वीच शहरात आले आहेत. त्यामुळे ते अजून किती जणांच्या संपर्कात आले याविषयी चिंता आहे.