सपोनि आनंद झोटे, पथकाची कारवाई

एक हजार लिटर रसायन केले नष्ट

केज  । वार्ताहर

तालुक्यातील सोनीजवळा शेजारील पारधी (पिढी)वस्ती
वरील तीन गावठी हातभट्टी दारूच्या आड्यावर छापा मारून  एक हजार लिटर रसायन उध्वस्त  केले युसूफवडगाव पोलीस ठाण्याचे सपोनि आनंद झोटे यांच्या मार्गदर्शनाखाली 
 ,पोलीस नाईक श्री शिंदे,पो नाईक श्री सोनवणे,पो नाईक श्री पिंपळे,पो शिपाई श्री ढाकणे,पो शिपाई  खनपटे,पो शिपाई मेत्रे, होमगार्ड, श्री गायकवाड,श्री काळे, या पथकाने कारवाई केली.ज्वारीच्या शेतात अनेक ठिकाणी कडब्याच्या ढिगाऱ्यात बॅरल ठेवण्यात आले होते.पोलिसांनी त्याचा शोध घेऊन रसायन नष्ट केले. यावेळी हातभट्टी दारू निर्मितीचे रसायन नष्ट करून बॅरल जप्त करण्यात आले.
ताई भास्कर काळे,दिलीप कल्याण पवार यांच्यावर दारूबंदी कायदा 65 (ई) व 65 (फ)नुसार कारवाई करण्यात आली.अड्डयावर सापडलेल्या तळीरामांना पोलिसांनी प्रसाद दिला.का कारवाई मुळे दारू निर्मिती करणारे व तळीराम यांचे धाबे दणाणले आहेत.

यापुढेही दारू तयार करताना किंवा विक्री करताना आढळून आल्यास कडक कारवाई केली जाईल.कष्ट करून जगण्याचे अनेक  मार्ग आहेत स्वतः बदल करून घेणे अपेक्षित आहे.

सपोनि आनंद झोटे