बीड । वार्ताहर

परजिल्ह्यातून शिरुर तालुक्यातील हिवरसिंगा येथे आलेला ऊसतोड कामगारांचा ट्रक शुक्रवारी सकाळी (दि.24) पलटला. यावेळी ट्रकमध्ये 17 जण ऊसतोड मजुरांसह चालक व त्याचा एक सहकारी असे 21 जण अपघातग्रस्त ट्रकमधून प्रवास करत होते.त्यांना उपचारासाठी जिल्हा रुग्णालयात दाखल करण्यात आले. दरम्यान मजुर किरकोळ जखमी असल्याचे पोकॉ.गर्जे यांनी सांगितले 

पश्‍चिम महाराष्ट्रातील मजुर सध्या कारखान्यावरुन आपआपल्या गावी परतत आहेत.शुक्रवारी सकाळी पहाटे कराडवरुन आलेला ट्रक हिवरसिंगानजिक पलटी झाला. यावेळी ट्रकमध्ये मजुरासह गाय, म्हैस असे मिळुन 5 जनावरे होती. ट्रक पलटी होताच शिरापुर, हिवरसिंगा येथिल काहीजणांनी त्यांना बाहेर काढले. लागलीच सर्व जखमींना दोन अ‍ॅब्युलन्सने बीडला हलविले. उसतोड मजुर हे शिरुर तालुक्यातील खोकरमोहा येथील 14, वारणी 2 व वासनवाडीतील तिघे आहेत. अपघातस्थळी रायमोहा चौकीचे पोकॉ.गर्जे यांनी घटनास्थळी भेट दिली.