आष्टी । वार्ताहर
आष्टी तालुक्यातील शेरी खुर्द येथील अंगणवाडी वरील रविवारी सायंकाळी पाच वाजण्याच्या सुमारास झालेल्या वादळाने पत्रे उडून गेल्याची घटना घडली.
सुदैवाने लॉकडाऊनमुळे शाळेला सुट्टी असल्याने या ठिकाणी एकही विद्यार्थी उपस्थित नव्हता सोमवारी सायंकाळी पाच वाजण्याच्या सुमारास तालुक्यांमध्ये विविध ठिकाणी वादळी वार्‍यासह गारांचा पाऊस झाला.पाऊस कमी अन वादळ मोठ्या प्रमाणात असल्याने शेरी खुर्द येथील अंगणवाडीच्या खोलीवरील सर्व पत्रे उडून गेले,मात्र यावेळी शाळेमध्ये विद्यार्थी नसल्याने मोठा अनर्थ टळला असल्याची माहिती केंद्रप्रमुख सुरेश मिरगणे यांनी दिली.टाकळी अमिया येथेही गारांचा पाऊस झाला.