पाटोदा । वार्ताहर
‘आम्ही वीज घेतलेली बल्ली का काढलीस? या क्षुल्लक कारणावरून एका तरुणास मारहाण करण्यात आली. पाटोदा तालुक्यातील निवडुंगा येथे शुक्रवारी (दि.10) ही घटना घडली.
विठ्ठल नाथा सकुंडे (30 रा.निवडुंगा ता.पाटोदा) असे जखमीचे नाव आहे. शुक्रवारी सकाळी विठ्ठल सकुंडे हा त्याच्या घरासमोर थांबलेला होता. यावेळी निलेश जालिंदर सकुंडे, साईनाथ बाकीराव सकुंडे, बाकीराव देवराव सकुंडे, जालिंदर बाकीराव सकुंडे (सर्व रा. संकुडवाडी) यांनी विठ्ठल यास ‘तू आम्ही लाईट घेतलेली बल्ली का काढली?’ या कारणावरून शिवीगाळ करत डोक्यात कुर्‍हाड मारून दुखापत केली. तर अन्य एकाने आरोपीने काठीने मारून मुक्कामार दिला. इतरांनी विठ्ठल व त्यांच्या सहकार्‍यांना शिवीगाळ करत लाथाबुक्क्यांनी मारहाण केली. जखमी विठ्ठल सकुंडेंच्या तक्रारीवरून शनिवारी चौघांविरुद्ध अंमळनेर पोलिस ठाण्यात गुन्हा दाखल झाला.पो.ह.सानप या प्रकरणाचा तपास करत आहेत.