पाटोदा । वार्ताहर
‘तू जेसीबीने का जमिन उकरतोस’? अशी कुरापत काढून एका तरुणास शिवीगाळ करत बेदम मारहाण करण्यात आली. यावेळी भांडण सोडण्यासाठी आलेल्या इतरांनाही मारहाण केली गेली. शुकवारी (दि.10) सायंकाळी चार वाजेच्या सुमारास भुसनरवाडी (ता.पाटोदा) येथे ही घटना घडली.
सुरेश ज्ञानदेव भुसनर (35, रा.भुसनरवाडी, ता.पाटोदा) असे जखमी तरुणाचे नाव आहे. शुक्रवारी सायंकाळी तो जेसीबीने काम करत होता. यावेळी सुखदेव गोविंद भुसनर, पोपट सुखदेव भुसनर, आजिनाथ सुखदेव भुसनर, सीमाबाई सुखदेव भुसनर (सर्व रा.भुसनरवाडी) यांनी त्यास ‘तू इथे काय उकरतोस’ अशी विचारणा केली. याच कारणावरून त्यास शिवीगाळ केली. शिवीगाळ का करता अशी विचारणा सुरेशने केली तेव्हा आरोपींनी त्यास डोके, कंबर व पाठीत मारहाण केली. यावेळी सुरेशचे इतर सहकारी भांडण सोडवण्यासाठी आले असतात त्यांनाही आरोपींनी लाथाबुक्क्यांनी मारहाण करून दगडफेक केली. यावरून सुरेश भुसनर यांच्या तक्रारीवरून चौघांविरुद्ध मारहाण तसेच जिल्हाधिकारी यांच्या जमाबंदी व संचारबंदी आदेशाचे उल्लंघन केल्याप्रकरणी पाटोदा ठाण्यात गुन्हा दाखल झाला. पो.ना.बिडकर अधिक तपास करत आहेत.