नांदूरघाट । वार्ताहर

नांदूरघाट जवळील 33 केव्ही उपकेंद्राजवळ अज्ञात वाहनाने पायी जाणार्‍या तरुणाला धडक दिली. यात त्यांचा जागीच मृत्यू झाला. पोलीसांच्या माहितीनुसार, शशिकांत वामन ठोंबरे (39) असे मयताचे नाव आहे. ते नांदूरकडे येत असताना रविवारी सायंकाळी साडेपाच वाजेच्या दरम्यान जोरदार धडक दिल्याने जागीच मृत्यू झाला. अपघातानंतर धडक देणारा वाहनचालक पसार झाला. नांदूरघाटच्या ग्रामीण रुग्णालयात उत्तरीय तपासणी करण्यात आली. जमादार ढाकणे पुढील तपास करत आहेत. या घटनेमुळे नांदुरघाट व परिसरात हळहळ व्यक्त केली जात आहे.