माजलगाव । वार्ताहर

माजलगाव येथील कामधेनू पंचगव्य व हर्बलचे बद्रीविशाल मानधने यांनी स्वअनुभवातून तयार केलेले घटक व आयुष्य मंत्रालय ने मान्यता दिलेल्या घटकांचा वापर करून रोगप्रतिकारक क्षमता वाढवणारा आयुर्वेदिक काढा शहरातील महसूल कर्मचारी पोलीस व पत्रकार बांधवांना वाटप केला आहे.

आयुर्वेदिक 15 घटकांचा समावेश असलेला रोगप्रतिकारक क्षमता वाढवणारा काढा हा कामधेनू पंचगव्य व हर्बल माजलगाव यांनी बनवलेला असून बद्रीविशाल मानधने यांनी आपल्या मागील चार वर्षांपासून च्या आयुर्वेदिक ज्ञानाचा वापर करून हा काढा बनवला असून रोगप्रतिकारक क्षमता वाढवण्यास मदत करत असल्याचे बद्रीविशाल मानधने यांनी बोलताना सांगितले.आजच्या आपत्कालीन परिस्थितीत पोलीस, पत्रकार व महसूल चेकर्मचारी आपल्या जीवाचे रान करून प्रयत्न करत आहेत त्यांची रोगप्रतिकारक क्षमता वाढावी या उद्देशाने हा मोफत काढा वाटप करण्यात आला असल्याचे मानधने यांनी सांगितले.