ई-पेपर वाचण्यासाठी येथे क्लिक करा.
पोलिस घटनास्थळी दाखल
बीड । वार्ताहर
शहरातील जालना रोड लगतच्या मोकळ्या जागेत एका महिलेचा निर्घृण खून झाला. ही खळबळजनक घटना शुक्रवारी (दि.29) सायंकाळी घडली. माहिती मिळताच वरिष्ट अधिकार्‍यांसह बीड शहर व शिवाजीनगरचे पोलिस घटनास्थळी दाखल झाले. खूनामागचे कारण स्पष्ट झालेले नाही. पोलिस अधिक तपास करत आहेत.
पोलिसांच्या माहितीनुसार, उर्मिला मस्के (वय अंदाजे 30) असे मृत महिलेचे नाव आहे. शुक्रवारी सायंकाळी या महिलेचा धारदार शस्त्राने चेहर्‍यावर वार करत खून करण्यात आला. आरोपी कोण? हे अद्याप समोर आलेले नाही. पोलिसांनी घटनास्थळी दाखल होत पंचनामा केला. घटनास्थळी अप्पर अधिक्षक विजय कबाडे, उपाधिक्षक भास्कर सावंत यांच्यासह शहर ठाण्याचे सहाय्यक निरीक्षक गजानन जाधव, शिवाजीनगरचे पोनि सुनिल बिर्ला, आय बाईक पथक घटनास्थळी दाखल झाले. पोलिस अधिक तपास करत असून या घटनेमुळे जालना रोड परिसरात एकच खळबळ उडाली.
Leave a comment