श्रीकांत लोखंडे यांचा उपक्रम

खर्डा । वार्ताहर

खर्डा येथील कै.नितीन वेणुनाथ गोलेकर विविध कार्यकारी सेवा सहकारी सोसायटीचे व्हा.चेअरमन श्रीकांत लोखंडे यांनी आपल्या वाढदिवस आगळ्या वेगळ्या पद्धतीने साजरा केला. त्यांनी आपल्या वाढदिवसाच्या दिवशी खर्डा गावात पिण्याचे मोफत पाणी वाटप केले. उन्हाळ्याचे दिवस असल्या कारणाने खर्डा गावात सध्या पाणी टंचाई आहे. 

लोकांना शुद्ध पिण्याचे पाणी मिळत नाही. याचे महत्व लक्षात घेऊन त्यांनी आपल्या वाढ दिवसाच्या दिवशी मोफत पिण्याच्या पाण्याचा टैंकर्स सुरु केला. पिण्याचे पाणी उपलब्ध झाल्यामुळे ग्रामस्थ समाधानी झाले. येथून पुढे जोपर्यंत पिण्याचे पाणी उपलब्ध होत नाही तोपर्यंत ते पिण्याच्या पाण्याचा टैंकर्स सुरु ठेवणार आहेत. आपल्या वाढदिवसावर विनाकारण खर्च न करता हा सामाजिक उपक्रम त्यांनी हाती घेतला आहे. सामाजिक कामात ते नेहमी अग्रेसर असतात. कार्यतत्पर व समाजसेवक म्हणून त्यांची खर्डा व परिसरात ख्याति आहे. या मोफत पिण्याचे पाणी टैंकर उद्घाटन कार्यक्रम  सोशल डिस्टिनसीग पाळून साजरा करण्यात आला. यावेळी विजयसिंह गोलेकर, चंद्रकांत गोलेकर, सुनील लोंढे, फारुख शेख, जावेद शेख, रघुनाथ गोलेकर, प्रशांत वारे, तुळशीदास गोपाळघरे, दत्तराज पवार, महालिंग कोरे, बब्बू शेख, साहेबराव जोरे, हनुमंत गोलेकर, व इतर मित्र मंडळी हजर होते.