सख्या भावाने सात एकर ऊसावर फिरवले ट्रॅक्टर 

12 लाखाचे नुकसान; 9 जणांवर गुन्हा

गेवराई । वार्ताहर

सख्ख्या भावास मारहाण करत शेतात उभ्या असलेल्या ऊसात चार ट्रॅक्टर फिरवून  12 लाखाचे नुकसान केल्याची घटना रविवारी तालुक्यातील कोल्हेर येथे घडली. यावरुन 9 जणांवर गुन्हा नोंद करण्यात आला.

दत्तात्रय यादवराव येवले (58, रा. कोल्हेर) असे त्या शेतकर्‍याचे नाव आहे. त्यांची कोल्हेर शिवारात जमीन आहे. त्यात त्यांनी ऊस लागवड केलेली आहे. रविवारी (दि.24) दुपारी 1 वाजता त्यांचा भाऊ अशोक यादवराव येवले, दिगांबर यादवराव येवले व इतर शेतात चार ट्रॅक्टर घेऊन आले. त्यांनी उभ्या ऊसात रोटाव्हेटर फिरवून नुकसान केले. यावेळी दत्तात्रय येवले व त्यांच्या कुटुंबीयास मारहाण केली. जिवे मारण्याची धमकी दिली. दत्तात्रय येवले यांच्या फिर्यादीवरुन अशोक येवले, दिगांबर येवले, अमर येवले, अतुल येवले, सचिन येवले, मनोज येवले, रवींद्र येवले, शुभम येवले, विकास येवले यांच्यावर गेवराई पोलिसांत गुन्हा नोंद करण्यात आला असून आरोपी फरार झाले आहेत. सहायक फौजदार एन.ए. फड तपास करत आहेत.