माजलगाव । वार्ताहर

तालुक्यातील मोठीवाडी गावातील डॉ.अविनाश गोले हे वैद्यकीय अधिकारी या पदावर किट्टी आडगाव प्राथमिक आरोग्य केंद्रात रूजू झाले असून त्यांच्या या काळात रूजु होऊन कामकाजाला सुरूवात करण्यास मोठीवाडी गावकर्‍यांच्या वतीने डॉ.भानुदास रासवे व पत्रकार राजाभाऊ पास्टे, परमेश्‍वर रासवे यांच्या हस्ते प्रा.आ.केंद्र आडगाव येथे जाऊन सोमवारी सत्कार करण्यात आला. 

तालुक्यात कोरोनाची लागण होण्यास सुरूवात होताच किट्टी आडगाव प्रा.आ.केंद्रात मोठीवाडी गावचे सुपुत्र वैद्यकीय अधिकारी डॉ.अविनाश गोले हे रूजु झाले. या आपत्कालीन परिस्थितीत कर्तव्य बजावण्यासाठी उपस्थित झाले. याचा मोठीवाडी ग्रामस्थांना अभिमान वाटत आहे. तरी गावकर्‍यांनी सर्वांच्या वतीने डॉ. भानुदास रासवे व पत्रकार राजाभाऊ पास्टे, परमेश्‍वर रासवे यांना प्रतिनिधिक स्वरूपात त्यांचा सत्कार करण्यासाठी पाठवले व हा सत्कार करण्यात आला. याप्रसंगी वैद्यकीय अधिकारी डॉ. एस.बी.मनेरी, आरोग्य सहाय्यक सी.जी.परदेशी, आरोग्य सेविका व्ही.डी.फोले, कर्मचारी एल.पी.पाटील, के.एन.यादव, रामराव आगे उपस्थित होते. या सत्कारामुळे कर्तव्य बजावणार्‍या कर्मचार्‍यांचे मनोधैर्य उंचावेल व माझा गावकर्‍यांनी सत्कार केला त्याबद्दल मी त्यांचा खुप आभारी असल्याची भावना डॉ.अविनाश गोले यांनी व्यक्त केली.