बीड । वार्ताहर

सध्या टाळेबंदीमुळे तालुक्याच्या ठिकाणी वगळता अन्यत्र ठिकाणची बसस्थानके बंद आहेत. हीच संधी साधून चोरट्यांनी तालुक्यातील मांजरसुंबा बसस्थानकातील कंट्रोल कॅबीनमध्ये बसवलेला एलईडी टिव्ही चोरून नेला. शनिवारी हा प्रकार समोर आला.

मांजरसुंबा येथील बसस्थानकात कंट्रोल कॅबीनमध्ये गेल्या काही महिन्यांपूर्वी 42 इंची कलर एलईडी टिव्ही बसवण्यात आला होता. मात्र चोरट्यांनी बसस्थानकाच्या कॅबीनवरील सिमेंटचा पत्रा उचकटून आत प्रवेश करत 40 हजार रूपयाचा एलईडी टिव्ही चोरून नेला. हा प्रकार लक्षात आल्यानंतर शनिवारी वाहतुक नियंत्रक अशोक उंदरे (रा.ससेवाडी) यांनी नेकनूर ठाण्यात तक्रार नोंदवली.