बीड । वार्ताहर

शहरातील चर्‍हाटा फाट्याकडून धानोरा रोड परिसरात वाळू वाहतूक करणारा एक टिप्पर (क्र. एम.एच.23 एयु 4725) गुन्हे शाखेच्या पोलीसांनी ताब्यात घेतला. या कारवाईत कृष्णा लहु मस्के (27 रा. कामखेडा ता.बीड) यास ताब्यात घेण्यात आले. 

शनिवारी रात्री ही कारवाई करण्यात आली. टिप्परमध्ये सहा ब्रास वाळू आढळून आली. संबंधिताकडे वाळू वाहतूकीचा शासनाचा परवाना व कर भरल्याची कोणतीही पावती आढळून आली नाही. पोलीसांनी टिप्पर व सहा ब्रास वाळू असा एकुण 25 लाख 42 हजारांचा मुद्देमाल जप्त करत आरोपीविरुध्द शिवाजीनगर ठाण्यात गुन्हा दाखल केला.