माजलगाव । वार्ताहर

आयबीपीएसने डिसेंबर 2019 मध्ये अग्रीकल्चर ऑफिसर पदासाठी घेतलेल्या परीक्षेचा निकाल 20 मे 2020 रोजी जाहीर झाला असून,त्यामध्ये यशवंत नामदेव आगलावे (रा.वडखेल ता.परळी) यांची अग्रीकल्चर ऑफिसरपदी निवड झाली आहे .यशवंत आगलावे हे वडखेल येथील एका सामान्य शेतकरी कुटुंबातील असून त्यांनी आपले प्राथमिक शिक्षण गावातील जिल्हा परिषदेच्या शाळेतुन पूर्ण केलेले आहे .इ.5 वी मध्ये  असताना त्यांची पुढील शिक्षणासाठी जवाहर नवोदय विद्यालय गढी येथे निवड झाली होती येथूनच त्यांनी आपले शालेय शिक्षण पूर्ण केले.त्यांनी आपले कृषी शास्त्र पदवीचे शिक्षण पुणे येथील नामवंत शासकीय कृषी महाविद्यालय येथून पूर्ण  केलेले आहे.त्यांच्या निवडीबद्दल मराठा सेवा संघाचे प्राध्यापक अर्जुन तनपुरे, पुरुषोत्तम जाधव , अजय लव्हाळे, भीमाशंकर सोळंके यांनी त्यांचे फोनद्वारे विशेष कौतुक करून सन्मानित केले.