गेवराई । वार्ताहर

अज्ञात वाहनाच्या धडकेत एक जण जागीच ठार तर एक जण गंभीर जखमी झाल्याची घटना शुक्रवार दि.२२ रोजी सकाळी साडे नऊच्या सुमारास तालुक्यातील गढी गावाजवळ घडली.

या बाबत अधिक माहिती अशी की, गेवराई तालुक्यातील आंबुनाईक तांडा येथील रामराव आलु राठोड हे शुक्रवार रोजी सकाळी गेवराई शहरात आले असता त्यांना गढी गावाजवळ एका अज्ञात वाहनाने जोराची धडक दिली. या धडकेत रामराव आलु राठोड हे जागीच ठार झाले तर अन्य एक जण गंभीर जखमी झाला आहे. जखमीस उपचारासाठी गेवराई उपजिल्हा रुग्णालयात आले होते. मयत रामराव राठोड यांचे शवविच्छेदन करण्यात आले असून जखमींवर बीड जिल्हा रुग्णालयात उपचार सुरू आहेत. अपघाताची माहिती कळताच गावकऱ्यांनी घटनास्थळी धाव घेऊन  जखमींना उपचारासाठी मदत केली.