बीड  | वार्ताहर

 स्थानिक गुन्हे शाखेने बीड शहरातील पालवण चौक परिसरातून एका घरातून दोन तलवारी जप्त केल्या. दोन जणांना ताब्यात घेण्यात आले. शुक्रवारी ही कारवाई करण्यात आली.

 बीड शहरातील पालवण चौक परिसरात एका घरात तलवारींचा साठा असल्याची माहिती स्थानिक गुन्हे शाखेला मिळाली होती. यावरुन स्थानिक गुन्हे शाखेचे पोलिस निरीक्षक भारत राऊत यांच्या मार्गदर्शनाखाली पथकाने पालवण चौकातील घरात छापा टाकला असता दोन तलवारी तसेच 2 धारदार सुरे, 1 रामपुरी चाकू आणि  1 छऱ्याची गण असा 14 हजार 200 रुपये किमतीचा मुद्देमाल आढळून आला.या कारवाईत गुन्हे शाखेच्या पथकाने राजू महासिंग टाक, करण टाक (रा.पाळवण चौक, मस्के वस्ती) या दोन जणांना ताब्यात घेतले. त्यांच्याविरोधात अवैध शस्त्र बाळगल्याप्रकरणी गुन्हा नोंद करण्यात आला.