बीड । वार्ताहर

कोरोना या महामारीने देशभर चौथा टप्पा गाठला आहे. या महामारीचे देशासह राज्यभर लोण पसरले आहे. त्यामुळे रिपाइंकडून अघोषित आणिबाणीच्या काळात सामाजिक बांधीलकी जोपासत गेल्या दोन महिण्यांपासून बीड शहरातील विविध भागातील हातांवर पोट असणार्‍या गोरगरिबांना युवा रिपाइं प्रदेशाध्यक्ष तथा बीड जिल्हाध्यक्ष पप्पु कागदे यांच्यावतीने अन्न-धान्यासह किराणा मालाचे वाटप करणयात येत आहे. 

रिपाइंच्या वतीने पवित्र रमजान इदचे औचित्य साधून बीड शहरातील एकबाल कॉलनी, गुलजार पुरा येथील मुस्लिम बांधवांना इद निमित्त किराणा मालाचे वाटप युवा रिपाइं प्रदेशाध्यक्ष पप्पु कागदे यांच्या वतीने आज गुरूवार (दि. 21) मे रोजी जेष्ठ समाज सेवक मोईन मास्टर, रिपाइंचे मराठवाडा संघटक मझर खान, रिपाइंचे जिल्हा सरचिटणीस राजु जोगदंड, शहराध्यक्ष अविनाश जोगदंड, भैय्यासाहेब मस्के, शेख मेहराज यांच्या हस्ते वाटप करण्यात आले.