डोंगरकिन्ही । वार्ताहर

पाटोदा तालुक्यातील डोंगरकिन्ही,मांडेवाडी येथील विवाहिता रुक्मिन दादा वीर (26 रा.मांडवेवाडी) हिने गुरुवारी (दि.14) सकाळी राहत्या घरात सकाळी विषारी द्रव प्राशन केले. उपचारासाठी जिल्हा रुग्णालयात हलविण्यात आले. तिथे उपचार घेताना त्यांचा मृत्यू झाला.या आत्महत्येचे कारण स्पष्ट झालेले नाही. या प्रकरणी  अंमळनेर ठाण्यात आकस्मात मृत्यूची नोंद करण्यात आली आहे.विवाहितेचा गत तीन वर्षापूर्वी मांडवेवाडी येथेच गावातच विवाह झाला होता. पश्‍चात पती,तीन वर्षाचा मुलगा,सासु,सासरे,दिर असा परिवार आहे.