आ.संदीप क्षीरसागर यांच्या महसूल प्रशासनास सूचना

बीड । वार्ताहर

बीड तालुक्यात बुधवारी झालेल्या अवकाळी पावसाने वादळी वार्‍यात मोठ्या प्रमाणात राहत्या घराची पडझड होऊन नुकसान झाले आहे. शेतकर्‍यांच्या फळबागा उध्वस्थ झाल्या आहेत. विजेचे खांब जमिनदोस्त झाले असून याची राजुरी नवगण परिसरात पाहणी करून आ. संदीप क्षीरसागर यांनी नुकसानीचे  तात्काळ पंचनामे करावते असे आदेश महसूल प्रशासनास दिले आहेत.

बीड तालुक्यातील अनेक ठिकाणी काल झालेल्या अवकाळी पावसाने मोठ्या प्रमाणात नुकसान झाले आहे. फळबागा व टरबूज, खरबूज आणि घरांची पडझड होऊन नुकसान झाले आहे. या नुकसानीची राजुरी नवगण परिसरात जाऊन आ. संदीप क्षीरसागर यांनी पाहणी करून पंचनामे करण्याचे आदेश बीड ,शिरूर तहसीलदार यांना दिले आहेत. या नुकसानीची माहिती तात्काळ तलाठी, ग्रामसेवक सरपंच यांनी वरिष्ठ कार्यालयास द्यावी ही असेही सांगितले आहे.