टाकळशिंग येथील घटना; चौघांवर गुन्हा

आष्टी । वार्ताहर

‘तूझी भावजय सभापती झाल्यापासून तू खूप माजलास’ अशी कुरापत काढून तालुक्यातील टाकळशिंग येथील जगताप कुटूंबाच्या घरासमोर जावून त्यांना लाथाबुक्क्याने मारहाण करत सरकारी जीपवर दगडफेक करुन नुकसान करण्यात आले. रविवारी (दि.10) सकाळी दहाच्या सुमारास ही घटना घडली.चौघांविरुध्द या प्रकरणात आष्टी ठाण्यात गुन्हा दाखल झाला.

याबाबत रामदास दशरथ जगताप (42, रा.टाकळशिंग) यांनी दिलेल्या फिर्यादीनुसार, रविवारी सकाळी ते घरात असताना आरोपी निलेश जगताप, आबासाहेब जगताप, गंगाधर जगताप व वैभव जगताप हे तिथे आले. ‘तूझी भावजय सभापती झाल्यापासून तू खूप माजलास’ असे म्हणत रामदास यांना शिवीगाळ करत लाथाबुक्क्याने मारहाण केली.जिवे मारण्याच्या धमक्या दिल्या. शिवाय घरासमोर उभ्या असणार्‍या सरकारी जीपवर (क्र. एम.एच.23 ए.एफ 0124) दगड फेकून काचा फोडल्या. या प्रकरणी चौघांविरुध्द मारहाण तसेच जिल्हाधिकारी यांच्या आदेशाचे उल्लंघन केल्याप्रकरणी आष्टी ठाण्यात गुन्हा दाखल करण्यात आला. पोना.आटोळे अधिक तपास करत आहेत.