तिघांविरुध्द पेठ बीड ठाण्यात गुन्हा

बीड । वार्ताहर

नातेवाईक महिलेची छेड का काढली अन् एकास मारहाण करताना मध्यस्थी केल्याची कुरापत काढून एका तरुणावर चाकू हल्ला करण्यात आला. शहरातील तेलगावनाका परिसरात घडलेल्या या घटनेप्रकरणी तिघांविरुध्द गुन्हा दाखल झाला.

चाँद उस्मान बेग (31, रा.तेलगाव नाका,बीड) असे जखमीचे नाव आहे. 8 मे रोजी चाँद हे घरासमोर थांबलेले होते. यावेळी तिथे आलेल्या तिघांनी ‘तू आम्ही एकास मारहाण करताना मध्ये का आलास?’ तसेच छेड काढल्याच्या कारणावरुन शिवीगाळ व धक्काबुक्की करत चाँद यांच्यावर चाकूने वार करत गंभीर जखमी केले. जखमी तरुणाच्या तक्रारीवरुन सय्यद बख्तीयार सय्यद मुन्सी, सय्यद मुख्तार सय्यद मुन्सी (दोघे रा.इस्लामपुरा,बीड) व अन्य एका अनोळखीविरुध्द रविवारी (दि.10) पेठ बीड ठाण्यात प्राणघातक हल्ल्याचा गुन्हा दाखल झाला. उपनिरीक्षक पठाण या प्रकरणाचा तपास करत आहेत.