माजलगाव । वार्ताहर

माजलगाव तालुक्यात दोन तरुण शेतकर्‍यांनी आत्महत्या केल्याची घटना घडली. या प्रकरणी ग्रामीण ठाण्यात आकस्मिक मृत्यूची नोंद करण्यात आली आहे.

माजलगाव तालुक्यातील मोठीवाडी येथील भागवत पांडुरंग पास्टे (22) या तरुणाने शेतातील चिंचाच्या झाडाला गुरुवारी रात्री गळफास घेतला. शुक्रवारी सकाळी ही बाब उघडकीस आली. कर्जबाजारीपणामुळे त्याने आत्महत्या केल्याचे सांगण्यात आले. आत्महत्येची दुसरी घटना आनंदगाव येथे घडली. अनिल उत्तम घायाळ ( 30) या तरुणाने राहत्या घरी लोखंडी पाईपला गळफास घेतला. आत्महत्येचे कारण अस्पष्ट असून त्याच्या पश्चात आई, वडिल, चार भाऊ असा परिवार आहे. या प्रकरणी पोलिसांत अकस्मिक मृत्यूची नोंद केली गेली असून पोलिस अधिक तपास करत आहेत.