पोलीस ठाण्यात दरबार; मजुरांना धान्य वाटप 

बीड । वार्ताहर

जिल्हा पोलीस अधीक्षक हर्ष पोद्दार यांनी मंगळवारी (दि.5) बीड उपविभागातील पोलीस ठाण्यांमध्ये भेटी दिल्या. त्यावेळी पोलीस वसाहतींना भेटी देऊन नियमित निर्जंतुकीकरण,घरपोच किराणा,भाजीपाला हे होते की नाही,याबाबत विचारपूस केली.तसेच पोलीस कुटुंबियांशी चर्चा करून त्यांचा आत्मविश्वास वाढविला. 

यावेळी एसपी हर्ष पोद्दार यांच्या हस्ते बीडमध्ये अडकलेल्या परजिल्ह्यातील मजुरांना धान्य वाटप करण्यात आले. त्यानंतर त्यांनी बीड उपविभागतील पोलीस ठाण्यांमध्ये भेटी देऊन दरबार घेतला. यामध्ये पोलीसांचे आरोग्य, कायदा अंमलबजावणी, याविषयीच्या अडचणी समजून घेऊन त्यांच्या निरासनासह गरिंब लोकांवरील अत्याचार, भ्रष्टाचार न करणे आणि पोलिसांचे मनोबल कायम राहण्यासाठी  मार्गदर्शन व चर्चा केली.यावेळी अधिकारी, कर्मचारी उपस्थित होते.